Valur 1 – 1 Fram
1-0 Haukur Páll Sigurðsson(’44)
1-1 Jannik Holmsgaard(’87)
Valur missti af mikilvægum þremur stigum í Bestu deild karla í kvöld er liðið mætti Fram á heimavelli sínum á Hlíðarenda.
Það var töluvert rok í leiknum í kvöld þar sem Valsmenn voru lengi með 1-0 forystu.
Haukur Páll Sigurðsson skoraði fyrsta markið fyrir þá rauðklæddu í fyrri hálfleik eftir hornspyrnu.
Það leit lengi út fyrir að það mark myndi duga en á 87. mínútu jafnaði Jannik Pohl metin fyrir gestina eftir fyrirgjöf úr aukaspyrnu.
Stigið gerir ekki mikið fyrir Val sem er í fjórða sætinu með 32 stig, þremur stigum á eftir Víkingum sem eru í þriðja sæti.
Það er þó enn lengra í topplið Breiðabliks sem er með 45 stig á toppnum og heldur betur þægilega forystu.