Dele Alli gæti verið á leið til Besiktas. Enskir fjölmiðlar greina frá þessu í dag.

Hinn 26 ára gamli Alli gekk í raðir Everton í janúar eftir að hafa verið um árabil hjá Tottenham.

Hann hefur aðeins spilað þrettán leiki frá komu sinni, þar af aðeins einn þeirra í byrjunarliði.

Alli vill fara og spila meira. Gæti Besiktas boðið honum það.

Það er bæði möguleiki á að Alli fari til Besiktas á láni eða alfarið.

Í samningi Everton og Tottenham síðan í janúar segir að Everton þurfi að greiða Lundúnafélaginu 10 milljónir punda eftir fyrstu tuttugu leiki Alli fyrir félagið. Þar að auki þyrfti félagið að greiða Tottenham 25% af næstu sölu Alli eftir þann leikjafjölda.

Everton getur því sparað sér mikið á því að losa sig við hann strax.