Það gæti verið að miðjumaðurinn Idrissa Gueye endi ekki hjá Everton í sumar eins og var búist við.
Gueye á enga framtíð fyrir sér hjá Paris Saint-Germain og er franska félagið vel opið fyrir því að selja.
Gueye gekk einmitt í raðir PSG frá Everton á sínum tíma og þekkir því vel til félagsins.
Enskir miðlar greina nú frá því að Everton og PSG séu ekki að ná saman um kaupverð og gætu skiptin siglt í strand.
Gueye hefur samþykkt að taka á sig launlækkun til að komast aftur til Englands en vill fá þóknun frá PSG ef það verður raunin.
PSG vill að Everton borgi hluta af þeirri upphæð en það er eitthvað sem félögin hafa heldur ekki náð saman um.