Antonio Conte, stjóri Tottenham, hefur bannað fjórum leikmönnum að æfa með aðalliði félagsins.

Evening Standard greinir frá þessu en Tottenham er að reyna að losna við alla þessa leikmenn í sumarglugganum.

Leikmennirnir eru allir nafngreindir og eru þeir Tanguy Ndombele, Harry Winks, Sergio Reguilon og Giovani Lo Celso.

Enginn af þessum leikmönnum mun spila hlutverk hjá Conte í vetur og eru allir að íhuga sína stöðu.

Þeir fengu heldur ekki að ferðast með Tottenham á undirbúningstímabilinu og er þetta ákvörðun sem Conte mun ekki taka til baka.

Tottenham býst þó ekki við að leikmennirnir verði farnir fyrr en rétt fyrir lok gluggans í lok mánaðarins.