Fjórir núverandi leikmenn Manchester City gætu verið vitni í nauðgunarmáli varnarmannsins Benjamin Mendy.
Frá þessu er greint í kvöld en leikmennirnir sem um ræðir eru þeir Jack Grealish, Kyle Walker, Riyad Mahrez og John Stones.
Annar fyrrum leikmaður Man City er einnig nefndur sem mögulegt vitni en það er Raheem Sterling sem spilar með Chelsea í dag.
Mendy var handtekinn í ágúst á síðasta ári en hann er ákærður fyrir átta nauðganir en neitar fyrir þær allar.
Atvikin eiga að hafa átt sér stað á milli október 2018 og ágúst 2021 og á hann að hafa brotið á sjö konum.
Mendy mætti fyrir rétt síðasta miðvikudag en hann var settur í bann af Man City um leið og kærurnar bárust.
