Ísland er úr leik á Evrópumótinu eftir 1-1 jafntefli gegn Frökkum í lokaleik riðilsins í kvöld.

Melvine Malard kom Frökkum yfir strax á fyrstu mínútu. Dagný Brynjarsdóttir jafnaði fyrir Ísland seint í uppbótartíma með marki af vítapunktinum.

Sigur Belga á Ítalíu þýðir að Ísland hafnar í þriðja sæti riðilsins og er úr leik.

Hér fyrir neðan má sjá einkunnir leikmanna Íslands í leiknum.

Sandra Sigurðardóttir – 7
Enn einn öruggi leikurinn hjá Söndru.

Guðný Árnadóttir (87′) – 6
Allt í lagi frammistaða. Lítið áberandi fram á við.

Glódís Perla Viggósdóttir – 8 (Maður leiksins)
Svakalega góður leikur hjá Glódísi, enn og aftur.

Ingibjörg Sigurðardóttir – 6
Heilt yfir fín frammistaða en leit ekki vel út í markinu og gerði mistök hér og þar.

Hallbera Guðný Gísladóttir (60′) – 6
Gerði sitt til baka og átti nokkrar hættulegar hornspyrnur. Annars hefði maður viljað sjá meira fram á við frá henni.

Sara Björk Gunnarsdóttir (60′) – 8
Mjög flottur leikur hjá Söru á báðum endum vallarins. Hennar besti leikur á mótinu.

Dagný Brynjarsdóttir – 6
Mjög lítið áberandi í fyrri hálfleik en vann aðeins á í seinni. Skoraði markið.

Karólína Lea Vilhjálmsdóttir -7
Góðir kaflar inn á milli þar sem hún var að búa til góðar stöður en þeir hefðu mátt vera fleiri. Vann vel fyrir liðið.

Sveindís Jane Jónsdóttir (60′) -5
Sveindís mjög oft sýnt meira en í dag.

Agla María Albertsdóttir (81′) -6
Ekki mjög áberandi en ógnaði á köflum.

Berglind Björg Þorvalsdóttir – 6
Var dugleg. Fínn leikur hjá Berglindi.

Varamenn

Gunnhildur Yrsa Jónsdóttir -6(60′)
Vann vel á miðjunni eftir að hún kom inn á.

Áslaug Munda Gunnlaugsdóttir -5(60′)
Átti fína spretti eftir að hún kom inn á.

Svava Rós Guðmundsdóttir -5(60′)
Getur ógnað mikið með hraða sínum og sýndi það nokkrum sinnum.

Amanda Andradóttir (81′)
Spilaði ekki nóg til að fá einkunn

Elín Metta Jensen (87′)
Spilaði ekki nóg til að fá einkunn