Grétar Rafn Steinsson hefur verið ráðinn til enska úrvalsdeildarfélagsins Tottenham en þetta kemur fram í tilkynningu félagsins í dag. Hann mun starfa þar sem tæknilegur ráðgjafi.
Grétar er fyrrum landsliðsmaður í knattspyrnu en hann gerði það gott sem atvinnumaður og þar á meðal á Englandi með Bolton.
Grétar hefur starfað á Englandi undanfarin ár en hann vann bæði hjá Fleetwood Town og síðar hjá Everton.
Nú mun Grétar starfa á bakvið tjöldin hjá Tottenham og sjá um ýmis mál tengd þessu risastóra félagi í úrvalsdeildinni.
Hann mun vinna með Fabio Paratici sem er yfirmaður knattspyrnumála félagsins og hjálpa til þegar kemur að bæði aðalliði félagsins sem og yngri flokkum.
Grétar var síðast starfandi hjá KSÍ en var aðeins ráðinn þangað tímabundið og er nú haldinn til Englands.
We are pleased to confirm the appointment of Grètar Steinsson as our new Performance Director.
Find out more ⤵️
— Tottenham Hotspur (@SpursOfficial) July 2, 2022
