Joan Laporta, forseti Barcelona, hefur sent persónuleg skilaboð á sóknarmanninn Raphinha sem spilar með Leeds.

Það er Diario Sport á Spáni sem greinir frá þessu en Laporta vill sannfæra Raphinha um að hann sé enn ofarlega á óskalista spænska félagsins.

Barcelona hefur verið að vinna í því að fá Raphinha fá Leeds og vill að hann skrifi undir fimm ára samning a´Spáni.

Laporta vildi sannfæra Raphinha um að Barcelona væri með fjármagnið til að tryggja hans þjónustu en fyrst þarf að klára ákveðin mál varðandi styrktaraðila.

Önnur félög eru að horfa til leikmannsins sem hefur undanfarin tvö ár verið einn besti ef ekki besti leikmaður Leeds.

Það er draumur Raphinha að ganga í raðir Börsunga en hann áttar sig á því að hann geti ekki beðið endalaust þar sem styttist í næsta tímabil.