Vilhjálmur Alvar Þórarinsson dómari mætti til viðtals á Stöð2 Sport í gær eftir hörkuleik milli HK og Stjörnunnar. HK tók á móti Stjörnunni í lokaleik 21. umferðarinnar í Pepsi Max deild karla í gær.
Heimamenn þurftu á sigri að halda til að koma sér upp úr fallsæti eftir að ÍA vann Fylki í síðustu umferð. Það var markalaust í hálfleik og nokkuð dauft yfir þangað til að Birnir Snær Ingason var rekinn af velli í liði HK þegar að 11 mínútur voru eftir af venjulegum leiktíma.
Birnir var á gulu spjaldi þegar hann féll í teig Garðbæinga og Vilhjálmur Alvar gaf honum annað gult og þar með rautt spjald fyrir leikaraskap. Brottreksturinn virtist kveikja aðeins í HK-ingum sem komust yfir fjórum mínútum síðar þegar að Valgeir Valgeirsson hamraði boltann í netið.
Vilhjálmur mætti til viðtals eftir leik og útskýrði rauða spjaldið á Birni en margir voru ósammála dómnum. „„Í þessu atviki var ég mjög vel staðsettur, ég stóð beint fyrir aftan. Það er snerting milli leikmanna beggja liða en í þessu atviki er það leikmaður HK sem býr til snertingu. Fyrir mér gerist hann sekur um óíþróttamannslega framkomu og þess vegna gef ég óbeina aukaspyrnu og honum gult spjald,“ sagði Vilhjálmur á Stöð2 Sport í gær
Netverjar stukku til og fóru að efast um Vilhjálm og hans útskýringar. „Vinur minn sagði einusinni við mig. Að ljúga að öðrum er ljótur vani, en að ljúga að sjálfum sér er sjálfs manns bani,“ skrifar Samúel Samúelsson formaður Vestra.
Landsliðsmaður Bandaríkjanna blandar sér einnig í málið. „Óíþróttamannsleg framkoma! Erum við að horfa a sama atvik??,“ skrifar Aron Jóhansson á Twitter eftir viðtalið.
Fleiri taka í sama streng og má sjá það hér að neðan.
Vinur minn sagði einusinni við mig : Að ljúga að öðrum er ljótur vani, en að ljúga að sjálfum sér er sjálfs manns bani #Vilhjalmur
— Samúel Samúelsson (@SSamelsson) September 20, 2021
Það er eins og Vilhjálmur Alvar sé að undirbúa sig fyrir Réttarsal með þessum svörum. Þetta er maðurinn sem er að berjast við að fá VAR til Íslands.Til hvers erum við að fá VAR til Íslands ef þeir geta ekki viðurkennt mistökin sín? Þá verða hvort sem er engum dómum snúið við.🧐
— Ásgeir frank ( Frankarinn) (@frankarinn) September 20, 2021
Óíþróttamannsleg framkoma! 😂😂😂erum við að horfa a sama atvik??
— Aron Jóhannsson (@aronjo20) September 20, 2021
Til hvers eru þessir dómarar að mæta í viðtöl ef þeir ætla ekki að viðurkenna augljós mistök. Því miður staðfestir þetta bara hrokann í þeim flestum. Leikmenn og þjálfarar gera mistök en dómarar ekki.
— Max Koala (@Maggihodd) September 20, 2021
Seinna gula fyrir þetta? Þetta er svo mikið grín oft þessir dómar. Bara afþví hann dæmir ekki víti þá þarf hann að reyna vera sniðugur og gefa gult fyrir dýfu. Djók dómur og þetta á að vera einn af okkar fremstu dómurum Vilhjálmur Alvar. Djöfulsins brandari að horfa á þetta
— Sigurđur Gìsli (@SigurdurGisli) September 20, 2021
Það er eitt lið sem er ekki að díla verr við hátt spennustig í lok móts en önnur og það eru dómararnir. Algjörlega galið að henda Birni í sturtu.
— Jóhann Már Kristinsson (@joikidda) September 20, 2021
Ok þó hann fari mögulega auðveldlega niður er þá svona rosalega nauðsynlegt að reka hann af velli? Stundum verða menn að lesa aðeins í aðstæður. Það gerði Vilhjálmur ekki þarna að mínu mati.
— Rikki G (@RikkiGje) September 20, 2021