Fernandinho leikmaður Manchester City hefur greint frá því að félagið hafi átt í viðræðum um að kaupa Cristiano Ronaldo frá Juventus.
Allir töldu að Ronaldo væri á leið til City þegar Manchester United kom til sögunnar og krækti í Ronaldo.
Ronaldo hefur skorað þrjú mörk í fyrstu tveimur leikjum sínum með United. „Það var góður möguleiki, mér skilst það,“ sagði Fernandinho í viðtali við ESPN.
Jorge Mendes umboðsmaður Ronaldo hafði verið fastur gestur á svæði City í sumar. „Umboðsmaður hans var hér að semja um nýja samninga fyrir Ederson og Rubien Dias, hann var svo einnig hér til að skoða stöðu Bernardo Silva og Joao Cancelo.“
„Þegar þú ert sestur við borðið þá eru allir möguleikar skoðaðir.“
City gafst upp á að eltast við Ronaldo þegar United var komið í málið enda Ronaldo með sterka teningu við United.