Það er mikið svekkelsi á meðal forráðamanna knattspyrnusambands Egyptalands yfir ákvörðun Liverpool, enska félagið hefur bannað Mo Salah að taka þátt í Ólymp­íu­leik­un­um í sumar.

Egyptar höfðu vonast eftir því að fá Salah með sér á leikana og vildi leikmaðurinn sjálfur ólmur fara.

„Við höfum verið í viðræðum við Liverpool um langt skeið enda vildi Salah fara á leikana, þeir gáfu okkur aldrei nein svör. Það er mánuður síðan ég vissi af því að þetta myndi ekki ganga upp,“ sagði Ah­med Mega­hed formaður egypska sambandsins.

Shawky Gharib þjálfari liðsins hafði ætlað að byggja lið sitt upp í kringum Salah. „Ég reyndi ítrekað að sannfæra forráðamenn Liverpool en þeir höfnuðu þessu. Salah vildi ólmur fara á leikana, hann tjáði mér það og ég reyndi að sannfæra hann,“ sagði Gharib.

Liverpool mun ekki geta stöðvað Salah í janúar þegar Afríkukeppnin fer fram og mun hann þá missa úr nokkrum leikjum.