Jón Dagur Þorsteinsson skoraði glæsilegt mark fyrir AGF gegn Bröndby í 1. umferð dönsku úrvalsdeildarinnar á dögunum. Leiknum lauk með 1-1 jafntefli.
Jón Dagur kom heimamönnum yfir á 10. mínútu þegar hann fékk boltann á eigin vallarhelmingi, hljóp á vörn Bröndby og smellti boltanum upp í fjærhornið. Kevin Mensah jafnaði metin fyrir Bröndby á 41. mínútu og þar við sat. Jón Dagur fékk að líta gula spjaldið á 66. mínútu leiksins áður en honum var skipt af velli sex mínútum síðar.
Markið má sjá hér að neðan.
Markið frá Jóni Degi í gær. pic.twitter.com/l5xyuMwXmJ
— Dr. Football Podcast (@drfootballpod) July 19, 2021