James Rodriguez vill fara frá Everton í sumar eftir að Carlo Ancelotti lét af störfum til að taka við Real Madrid. James kom til Everton fyrir ári síðan.
James kom aðeins til Everton til þess að spila fyrir Ancelotti en þeir höfðu unnið saman hjá Real Madrid.
James átti ágætis spretti með Everton en var oftar en ekki fjarverandi vegna meiðsla.
Everton er sagt tilbúið að losa sig við James sem kom frítt frá Real Madrid, hann er launahæsti leikmaður liðsins og þarf Everton að losa um fjármuni.
Everton hefur áhyggjur af reglum FIFA um fjárhag félaga og er félagið því opið fyrir því að losa um fjármuni í sumar.
Atletico Madrid, Napoli og AC Milan hafa öll áhuga á James en Everton mun ekki setja háan verðmiða á hann.