Liverpool, Manchester United og Paris Saint-Germain hafa öll áhuga á serbneska miðjumanninum Sergej Milinkovic-Savic, leikmanni Lazio. Fabrizio Romano greinir frá þessu.
Þessi 26 ára gamli miðjumaður kom til Lazio árið 2015 frá Genk. Síðan þá hefur hann leikið 247 leiki fyrir ítalska liðið og komið að 85 mörkum.
Það gæti verið erfitt fyrir Liverpool, Man Utd og PSG að sækja Milinkovic-Savic í sumar þar sem samningur hans rennur ekki út fyrr en sumarið 2024. Þar með getur Lazio heimtað ansi háa upphæð fyrir hann, ætli lið að krækja í hann. Talað er um að það gæti þurft 86 milljónir punda til að kaupa leikmanninn núna í sumar.
Það verður þó áhugavert að sjá hvort að félögin geri tilraun til að kaupa Serbann.
