Jim White er að hætta sem íþróttafréttamaður á Sky Sports eftir 23 ára starf. Samstarfsfélagar hans klöppuðu fyrir honum á setti er hann tilkynnti um brottför sína.
White hefur unnið hjá Sky Sports síðan árið 1998. Hann er til að mynda þekktur fyrir umfjöllun sína í kringum lokadag félagaskiptagluggans í fótboltanum. Þar hefur hann alltaf borið gult bindi í tilefni dagsins. Þá hefur hann alltaf verið með puttann á púlsinum þegar kemur að knattspyrnufréttum almennt.
Þegar hann tilkynnti um brottför sína í beinni útsendingu á stöðinni var klappað fyrir honum af samstarfsfélögunum. Í kjölfarið hélt hann stutta þakkarræðu.
Myndband af þessu má sjá hér fyrir neðan.
.@JimWhite getting a round of applause after announcing he is leaving Sky Sports after 23 years 👏 pic.twitter.com/v5hAkSNA4z
— Football Daily (@footballdaily) June 11, 2021