Það varð ljóst í dag að Inter Milan er Ítalíumeistari tímabilið 2020-2021. Atalanta gerði 1-1 jafntefli við Sassuolo fyrr í dag og þar með var ljóst að ekkert lið getur unnið upp forskot Inter Milan í deildinni.
Þetta er í fyrsta skipti síðan tímabilið 2009/2010 sem Inter Milan vinnur ítölsku úrvalsdeildina en Juventus hefur verið áskrifandi af titlinum undanfarin tímabil.
Gengi Inter Milan á tímabilinu hefur verið frábært. Eftir 34. umferðir hefur liðið unnið 25 leiki, gert 7 jafntefli og tapað aðeins tveimur leikjum undir stjórn Antonio Conte.
INTER MILAN WIN SERIE A 🏆🇮🇹 pic.twitter.com/ZSAXKDrJNl
— B/R Football (@brfootball) May 2, 2021