Þór/KA tók á móti Selfossi í 2. umferð Pepsi-Max deildar kvenna í kvöld í Boganum. Leiknum lauk með 0-2 sigri Selfyssinga. Selfyssingar byrja því mótið á tveimur góðum sigrum.
Fyrri hálfleikurinn var nokkuð jafn en Brenna Lovera kom gestunum yfir eftir tæpar 20 mínútur eftri stoðsendingu frá Hólmfríði Magnúsdóttur.
Caity Heap tvöfaldaði forystu gestanna með þrumuskoti á 66. mínútu. Heimakonur héldu áfram að berjast en það dugði ekki til og Selfyssingar tryggja sér þrjú stig á erfiðum útivelli.
Selfyssingar eru því með fullt hús eftir fyrstu tvo leikina í deildinni og eru í toppsæti deildarinnar.
Þór/KA 0 – 2 Selfoss
0-1 Brenna Lovera (´19)
0-2 Caity Heap (´66)
