Jose Mourinho var rekinn frá Tottenham fyrir ellefu dögum en var ekki lengi að tryggja sér launatékka í sumar. Mourinho hefur samið við The Sun um að starfa fyrir enska götublaðið í sumar.
Mourinho hefur unnið deildartitla í Portúgal, Ítalíu, á Spáni og á Englandi.
Mourinho hefur samið við The Sun um að skrifa í blað þeirra á meðan Evrópumótið fer fram, þá mun hann einnig starfa fyrir Talksport.
Sömu eigendur eru af The Sun og Talksport og ætla má að Mourinho muni fá vel borgað fyrir þetta starf sitt í sumar.
Mourinho var rekinn frá Tottenham eftir eitt og hálft ár í starfi en hann er einn sigursælasti þjálfari í sögu fótboltans.