James Milner, leikmaður Liverpool, var spurður að því eftir 1-1 jafntefli Liverpool við Leeds United í ensku úrvalsdeildinni í kvöld, hvað honum finndist um fyrirhugað um ofurdeildina fyrirhuguðu.
„Ég held að ég upplifi það sama og aðrir, það vakna upp margar spurningar. Ég get aðeins sagt mína skoðun. Mér líkar þetta ekki og vonandi verður þetta ekki að veruleika. Ég get ímyndað mér hvað hefur verið sagt um þessa deild og ég er ábyggilega sammála meirihluta þess sem hefur verið sagt,„ sagði Milner í viðtali hjá SkySport í kvöld.
Varðandi jafntefli kvöldsins sagði hann að Liverpool hafi ekki spilað nægilega vel.
„Við verðum að spila vel í fyrri og seinni hálfleik og við gerðum það ekki í kvöld. Við virkuðum þreyttir og leikurinn gegn Real Madrid í síðustu viku virðist hafa haft mikil áhrif á okkur,“ sagði James Milner, leikmaður Liverpool.