Manchester United tók í dag á móti Burnley í 32. umferð ensku úrvalsdeildarinnar í knattspyrnu. Leikurinn fór fram á Old Trafford og endaði með 3-1 sigri heimamanna. Jói Berg var að sjálfsögðu á sínum stað í byrjunarliði Burnley.
Íslandsvinurinn Mason Greenwood braut ísinn í leiknum í byrjun seinni hálfleiks. Rashford keyrði áfram upp kantinn og kom boltanum fyrir á Greenwood sem kláraði örugglega. Sú forysta stóð ekki lengi þar sem Tarkowski jafnaði fyrir gestina aðeins tveimur mínútum síðar eftir að hafa unnið Maguire í skallaeinvígi.
Mason Greenwood var aftur á ferðinni á 84. mínútu þegar hann kom United aftur yfir eftir stoðsendingu frá Paul Pogba. Það var svo Edison Cavani sem gerði endanlega út um leikinn í uppbótartíma með auðveldu marki eftir stoðsendingu frá van de Beek.
Manchester United er í 2. sæti deildarinnar með 66 stig, átta stigum frá Manchester City. Burnley er í 17. sæti deildarinnar, sex stigum frá falli.
Manchester United 3 – 1 Burnley
1-0 Greenwood (´48)
1-1 Tarkowski (´50)
2-1 Greenwood (´84)
3-1 Cavani (´90+3)
Enski boltinn á 433 er í boði 
