Dominic King blaðamaður hjá Daily Mail segir að Mohamed Salah hafi skorað sjálfsmark með því að daðra við Real Madrid, átta dögum fyrir leik liðanna í Meistaradeildinni.
Salah sóknarmaður Liverpool fór í viðtal á Spáni í gær og útilokar ekki að spila á Spáni innan tíðar en samningur hans við Liverpool gildir til ársins 2023. Salah hefur reglulega daðrað við það að fara til Real Madrid. „Ég vonast eftir því að spila í mörg ár til viðbótar,“ sagði Salah í viðtali við spænska fjölmiðla.
Þegar Salah var spurður að því hvort hann hefði áhuga á að spila á Spáni. „Af hverju ekki? Það veit enginn hvað gerist í framtíðinni. Einn daginn kannski, það er ekki alveg undir mér komið. Við sjáum hvað gerist á næstunni en ég vil ekki tala of mikið.“
King tekur orð Salah fyrir í grein sinni á vef Daily Mail í dag. „Salah skoraði sjálfsmark með því að daðra við Real Madrid átta dögum fyrir leik liðsins gegn Liverpool,“ skrifaði King.
Liverpool og Real Madrid mætast í átta liða úrslitum Meistaradeildarinnar. „Liverpool hefur engan áhuga á að selja hann og þetta hjálpar honum ekki í samningaviðræðum.“
Enski boltinn á 433 er í boði 
