Arnar Þór Viðarsson landsliðsþjálfari Íslands segir í samtali við RÚV að norska félagið Valerenga hafi bannað Viðari Erni Kjartanssyni að vera með íslenska landsliðinu um þessar mundir.

Mikil umræða hefur átt sér stað um Viðar Örn Kjartansson eftir að Arnar Þór valdi hann ekki í sinn fyrsta landsliðshóp. Umræðan var svo meiri og háværari í gær eftir slæmt tap Ísland gegn Armeníu í undankeppni HM.

„Þá leyfði Vålerenga Viðari Erni Kjartanssyni ekki að fara í landsliðsverkefni. Því var aldrei í boði að velja Viðar,“ segir á Twitter síðu RÚV í dag og er vitnaði í Arnar Þór.

Hólmfríður Erna Kjartansdóttir systir Viðars svarar þessar færslu RÚV og segir. „Þetta er kjaftæði,“ segir Hólmfríður um ummæli Arnars.

Íslenska landsliðinu hefur mistekist að skora í fyrstu tveimur leikjum sínum í undankeppni HM, fyrst gegn sterku liði Þýskalands og svo gegn Armeníu í gær. Liðið mætir Liechtenstein á miðvikudag í þriðja leik sínum í undankeppni HM.

Uppfært:
Starfsmaður Valerengea segir það ekki rétt að Viðari hafi verið bannað að fara í landsleikina. „Það er ekki satt. Við vorum til í að reyna að finna lausnir,“ sagði Jörgen Ingibrigtse yfirmaður íþróttamála hjá félaginu við við Fótbolta.net í dag.

Viðar hefði viljað símtal:

Viðar ræddi málið við okkur í síðustu viku og segist vera svekktur með að hafa ekkert heyrt frá nýjum landsliðsþjálfurum. „Það hefði alveg verið fínt ég viðurkenni það alveg, það er verra að heyra ekki neitt. Í síðasta landsliðsverkefni fannst mér ég eiga góðan leik, skoraði meðal annars. Að heyra síðan ekki neitt er svolítið sérstakt. Þeir (þjálfarateymið) taka ákvörðun um það, það er gott og blessað,“ sagði Viðar

Meira:
Viðar svekktur með að hafa ekki fengið símtal frá Arnari: „Það er verra að heyra ekki neitt“