Shola Shoretire lék sinn fyrsta leik fyrir Manchester United um helgina, þessi 17 ára gamli leikmaður skrifaði undir sinn fyrsta atvinnusamning á dögunum við félagið.

Shoretire er talin ein af vonarstjörnum enska fótboltans en hann var upphaflega í herbúðum Manchester City.

Shoretire var mjög ungur að árum þegar hann gekk í raðir Manchester City en hann hafði þá æft og spilað með Newcastle árin á undan. Shoretire er frá Newcastle og fæddist þar árið 2004.

Manchester City ákvað að reka Shoretire úr unglingastarfi sínu eftir að upp komst um að hann hefði æft með Barcelona. Shoretire fór með fjölskyldu sinni í sumarfrí til Barcelona og fékk að mæta á æfingar með Börsungum.

Manchester United fékk veður af því að þá tíu ára Shoretire hefði verið rekinn frá City og stökk til. Hann hefur verið í herbúðum félagsins í sjö ár og á mikla framtíð fyrir sér.

United þurfti að berjast fyrir því að fá Shoretire til að skrifa undir samninginn á dögunum, bæði PSG og Barcelona höfðu mikinn áhuga á að fá hann í sínar raðir.

Enski boltinn á 433 er í boði