fbpx
Fimmtudagur 20.janúar 2022
433Sport

Nefndin lét lögreglu vita af mögulegum vitnum í máli Arons Einars og Eggerts

Ritstjórn DV
Fimmtudaginn 9. desember 2021 09:00

Ekki missa af Helstu tíðindum dagsins í pósthólfið þitt

Lesa nánar

Útektarnefnd ÍSÍ lét lögreglu vita af mögulegum vitnum í máli Arons Einars Gunnarssonar og Eggerts Gunnþórs Jónssonar þegar hún vann skýrslu sína fyrir KSÍ. Vísir.is vakti fyrst athygli á þessum hluta í skýrslunni.

Íslensk kona sakar Aron Einar og Eggert um að hafa nauðgað sér í Kaupmannahöfn árið 2010. Lagði hún fram kæru í haust vegna þess. Báðir hafa hafnað sök í málinu, þeir voru kallaðir til skýrslutöku á dögunum og er málið til rannsóknar hjá lögreglu.

Meira:
Mál Arons og Eggerts – Fólk sem tengdist landsliðinu fékk vitneskju um „að eitthvað hefði gerst í ferðinni sem átti ekki að gerast“

Í skýrslunni er fjallað um þetta mál og rætt er við einstaklinga sem voru í eða í kringum A-landslið karla í september árið 2010 þegar liðið mætti Danmörku í Kaupmannahöfn.

Í skýrslunni kemur fram að enginn geti sagt til um hvað hafi gerst. „Allir þessir einstaklingar lögðu þó áherslu á að þeir hefðu ekki verið í aðstöðu til að fullyrða neitt um hvað hafi gerst í raun. Geir Þorsteinsson, þáverandi formaður KSÍ, greindi nefndinni frá því í viðtali að hann hafi ekki heyrt af þessu máli fyrr en í ágúst 2021, löngu eftir að hann hætti störfum hjá KSÍ. Að því er varðar þá einstaklinga sem úttektarnefndin ræddi við um málið og töldu sig geta tjáð sig um atvik málsins af eigin raun hefur nefndin aftur á móti litið til þeirra upplýsinga sem fram hafa komið opinberlega í fjölmiðlum um að hafin sé sakamálarannsókn á málinu,“ segir í skýrslunni.

Nefndin lét svo lögreglu og þessa einstaklinga vita að þeir gætu haft stöðu vitnis í þessu máli. „Til þess að raska ekki þeirri rannsókn hefur nefndin komið þeirri ábendingu á framfæri við umrædda einstaklinga og lögreglu að þeir kunni að hafa stöðu vitnis í málinu. Með því er þó ekki tekin nein afstaða til atvika málsins árið 2010 af hálfu nefndarinnar.“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

433Sport
Fyrir 9 klukkutímum

Þrátt fyrir tap gegn Manchester United í gær segist stjóri Brentford liðið hafa unnið – ,,Við gengum frá þeim“

Þrátt fyrir tap gegn Manchester United í gær segist stjóri Brentford liðið hafa unnið – ,,Við gengum frá þeim“
433Sport
Fyrir 9 klukkutímum

Sjáðu myndbandið: Ósáttum Ronaldo var skipt af velli á 71. mínútu við litla hrifningu hans

Sjáðu myndbandið: Ósáttum Ronaldo var skipt af velli á 71. mínútu við litla hrifningu hans
433Sport
Fyrir 19 klukkutímum

Enski boltinn: Tottenham sigraði Leicester á dramatískan hátt – Ótrúlegar lokamínútur

Enski boltinn: Tottenham sigraði Leicester á dramatískan hátt – Ótrúlegar lokamínútur
433Sport
Í gær

Messi bræðurnir sem fóru allir mismunandi leið í lífinu – Einn þeirra hefur ítrekað komist í kast við lögin

Messi bræðurnir sem fóru allir mismunandi leið í lífinu – Einn þeirra hefur ítrekað komist í kast við lögin
433Sport
Í gær

Settir í átta ára bann eftir að hafa sungið níðsöngva um Hillsborough slysi

Settir í átta ára bann eftir að hafa sungið níðsöngva um Hillsborough slysi