ÍBV hefur gert tveggja ára samning við Dave Bell. Hann mun verða aðstoðarþjálfari Hermanns Hreiðarssonar hjá karlaliði félagsins.
Á heimasíðu ÍBV kemur fram að Bell hafi áratuga langa reynslu af því að starfa við knattspyrnu.
Bell hefur starfað hjá félögum á borð við Manchester United, Bristol City og Cardiff.
Af heimasíðu ÍBV
ÍBV hefur gert tveggja ára samning við Englendinginn Dave Bell um að vera aðstoðarþjálfari hjá félaginu. Dave kemur með mikla reynslu inn í þjálfarateymið en hann hefur starfað við fótbolta í áratugi. Sem dæmi má nefna að hann hefur verið á mála hjá Manchester United, Watford og í Skotlandi. Þá var hann einnig „caretaker“ stjóri hjá Chetser á sínum tíma. Dave heimsótti Vestmannaeyjar á dögunum og var heillaður af Eyjunni og er spenntur fyrir komandi verkefnum. Hann mun flytja til Eyja í upphafi árs.
Velkominn Dave og áfram ÍBV, alltaf, alls staðar!