Zlatan Ibrahimovic segir að stærsta vandamál Manchester United sé að alltaf sé verið að ræða og röfla um fortíðina. Zlatan lætur ummælin falla eftir að Ole Gunnar Solskjær var rekinn úr starfi.

Zlatan lék með United í um 18 mánuði þegar Jose Mourinho var stjóri liðsins. Zlatan gerði vel á Old Trafford en ákvað að fara til LA Galaxy eftir erfið meiðsli.

„Þeir tala alltof mikið um fortíðina þarna, þegar ég fór þangað lét ég vita að ég væri að hugsa um nútíðina og skrifa mína sögu,“ sagði Zlatan.

Zlatan segir að nú verði United og allt í kringum félagið að horfa til framtíðar en hætta að pæla í Sir Alex Ferguson og því sem var í gangi undir hans stjórn.

„Þú verður að hugsa um framtíðina, ef þú gerir það ekki þarftu að fara á spítala og láta taka til í hausnum á þér.“

Enski boltinn á 433 er í boði