Stuðningsmenn Liverpool eru í sjöunda himni í dag eftir að hafa pakkað Manchester Untied saman á Old Trafford í gær. Stærstan hluta leiksins mátti aðeins heyra í stuðningsmönnum Liverpool á vellinum.
Liverpool byrjaði af krafti en Naby Keita kom þeim yfir eftir fimm mínútur og Diogo Jota tvöfaldaði forystuna tæpum tíu mínútum síðar. Leikurinn róaðist aðeins eftir það þar til Mo Salah skoraði þriðja markið á 38. mínútu. Salah gerði svo út um leikinn í uppbótartíma fyrri hálfleiks þegar hann skoraði fjórða mark Liverpool. Staðan var því 4-0 fyrir gestunum í hálfleik, hreint ótrúlegar tölur og stuðningsmenn púuðu á sitt lið er það gekk til búningsklefa.
Salah fullkomnaði þrennuna í byrjun seinni hálfleiks og leikmenn Manchester United virtust hreinlega vera búnir að gefast upp. Stuttu síðar kom Ronaldo knettinum í netið en markið var dæmt af vegna rangstöðu. Á 60. mínútu fékk Pogba að líta beint rautt spjald eftir tæklingu á Naby Keita og leikmenn United því orðnir tíu og verkefnið erfitt. 5-0 sigur staðreynd.
Til að strá salti í sár stuðningsmanna United og Ole Gunnar Solskjær sungu stuðningsmenn Liverpool um norska stjórann. Hljómaði lagið ítrekað á meðan leiknum stóð. „Ole er við stýrið,“ sungu þeir og skemmtu sér konunglega á Old Trafford.
🎶Ole's at the wheel, at the wheel, Ole's at the wheel🎶 (@ozzylfc19x) inside Old Trafford earlier 🔴 #LFC pic.twitter.com/qVd49dXQvh
— Spion Kop (@TheKopHQ) October 24, 2021
Enski boltinn á 433 er í boði 
