Tveimur leikjum var að ljúka í ensku úrvalsdeildinni rétt áðan. Leicester hafði betur gegn Brentford og West Ham sigraði Tottenham.
Brentford tók á móti Leicester og höfðu gestirnir betur. Tielemans kom Leicester yfir með frábæru marki þegar um stundarfjórðungur var búinn af leiknum. Mathias Jorgensen jafnaði metin á 60. mínútu með skalla en leikmenn Leicester höfðu ekki sagt sitt síðasta en James Maddison kom þeim aftur yfir á 74. mínútu og þar við sat.
Brentford 1 – 2 Leicester
0-1 Youri Tielemans (´14)
1-1 Mathias Jorgensen (´60)
1-2 James Maddison (´74)
Á sama tíma tók West Ham á móti Tottenham og þar höfðu heimamenn betur. Gestirnir voru meira með boltann en leikmenn West Ham voru líflegir fram á við. Michail Antonio braut ísinn á 72. mínútu og það reyndist eina mark leiksins
West Ham 1 – 0 Tottenham
1-0 Michail Antonio (´72)
