Alfons Sampsted var í byrjunarliði Bodö sem vann frækinn sigur á Mourinho og lærisveinum hans í Roma í Sambandsdeild Evrópu í kvöld.
Bodö tók leikmenn Roma í kennslustund en lokatölur urðu 6-1 fyrir heimamenn þar sem Erik Botheim skoraði meðal annars þrennu en Alfons Sampsted lagði upp annað mark Botheim í leiknum. Bodö er efst í C-riðli með 7 stig eftir 3 leiki. Roma er í 2. sæti með 6 stig.
Tottenham beið ósigur í Hollandi gegn Vitesse. Nuno Espiritio Santo gerði 11 breytingar á liðinu sem vann 3-2 sigur á Newcastle um síðustu helgi og spilamennska liðsins í kvöld bar þess vitni. Tottenham skapaði lítið og kom sér aldrei inn í leikinn. Maxmilian Witteck skoraði sigurmark heimamanna á 78. mínútu og 1-0 sigur Vitesse niðurstaða. Tottenham er í 3. sæti G-riðils með 4 stig. Vitesse er í 2. sæti með 6 stig.
Ísak Bergmann Jóhanneson og Andri Fannar Baldursson voru báðir í byrjunarliðinu er FCK tapaði á heimavelli. Kamil Grabara, markvörður danska liðsins, var rekinn af velli strax á 9. mínútu fyrir að handleika boltann og heimamenn því manni færri meirihluta leiks.
Sidcley og Andrija Zivkovic skoruðu mörk PAOK í fyrri hálfleik. Pep Biel klóraði í bakkann fyrir FCK á 80. mínútu en lengra komst danska liðið ekki og lokatölur 2-1 fyrir PAOK. FCK er í 2. sæti F-riðils með 6 stig. PAOK er efst með 7 stig.
Andri Fannar var tekinn af velli á 17. mínútu. Ísak Bergmann fór af velli á 74. mínútu.
Úrslitin í leikjum kvöldsins má sjá hér að neðan.
HJK 0 – 5 Maccabi Tel Aviv
Alashkert 0 – 3 LASK
Bodö/Glimt 6 – 1 Roma
Anorthosis 2 – 2 Flora
Feyenoord 3 – 1 FC Union Berlin
Kobenhavn 1 – 2 PAOK
Maccabi Haifa 1 – 0 Slavia Praha
Mura 1 – 2 Rennes
Qarabag 2 – 1 Kairat
Vitesse 1 – 0 Tottenham