Nú á dögunum var framherja Liverpool, Mohamed Salah, bætt við á vaxmyndasafni Madame Tussauds í London. Salah hefur getið sér gott orð hjá Liverpool og er talinn einn besti leikmaður heims um þessar mundir.
Salah fékk tækifæri til þess að sjá vaxmyndastyttuna af sér um síðustu helgi, rétt eftir að hann hafði skorað mark gegn Watford í 5-0 sigri í London.
Salah var brugðið er hann sá styttuna. ,,Hún lítur út alveg eins og ég, er ég að horfa í spegil? Er hann með six pack eða?“ voru fyrstu orð Salah er hann sá af sér vaxmyndastyttuna.
Salah hefur skorað 137 mörk fyrir Liverpool, orðið markahæsti leikmaður ensku úrvalsdeildarinnar í tvígang og unnið deildina sem og Meistaradeild Evrópu með liðinu frá Bítlaborginni.
,,Ég ætlaði ekki að trúa þessu þegar að ég stóð við hlið styttunnar. Þetta er eins og að horfa á sjálfan sig í spegli,“ sagði Mohamed Salah, leikmaður Liverpool á vaxmyndasýningu Madame Tussauds.
😂 „Does he have abs or not?“
Mo Salah meets… Mo Salah! | Madame Tussauds unveiling pic.twitter.com/nX38TBs8T0
— This Is Anfield (@thisisanfield) October 21, 2021