Framherjarnir Romelu Lukaku og Timo Werner fóru meiddir af velli í fyrri hálfleik er Chelsea vann 4-0 sigur á Malmö í meistardeild karla í kvöld.
Kai Havertz kom inn á í stað Lukaku á 23. mínútu og bætti við þriðja marki Chelsea í seinni hálfleik. Callum Hudson-Odoi kom inn á fyrir Werner undir loka fyrri hálfleiks. Ekki er vitað hve lengi sóknarmennirnir verða frá vegna meiðsla en Tuchel hvatti aðra leikmenn liðsins til að grípa tækifærið í fjarveru þeirra.
„Romelu sneri upp á öklann á sér og Timo er að glíma við vöðva- og nárameiðsli, svo ég býst við að þeir verði frá í einhverja daga. Við erum yfirleitt í góðum málum varðandi meiðsli en Christian Pulisic er einnig frá, það vantar alla. Það er margir leikir framundan, nóg af keppnum, svo við verðum að finna lausnir, það eru engar afsakanir,“ sagði Thomas Tuchel í samtali við BT Sport eftir leik.
„Þeir voru í flottu formi, þeir eru svo hættulegir og geta bæði skapað og skorað mörk svo við verðum að finna lausnir, og leikmenn sem hafa verið að bíða eftir tækifæri þurfa að grípa það og skora. Kapphlaupið er framundan, þeir sem byrja gegn Norwich hljóta traust okkar og við munum reyna að finna lausnir.“ sagði stjóri Chelsea.