Cagliari tók á móti AC Milan í 18. umferð ítölsku úrvalsdeildarinnar í kvöld. Leikurinn endaði með 2-0 sigri AC Milan.
Það var hinn 39 ára gamli Zlatan Ibrahimovic, sem skoraði bæði mörk AC Milan á 7. og 52. mínútu. Hann hefur nú skorað 12 mörk í 8 leikjum í deildinni á þessu tímabili.
Alexis Saelemaekers, leikmaður AC Milan, fékk að líta sitt annað gula spjald á 74. mínútu og því þurfti liðið að leika einum manni færri það sem eftir lifði leiks. Það kom þó ekki að sök.
Sigur AC Milan sér til þess að liðið situr í 1. sæti deildarinnar með 43 stig og þriggja stiga forystu á nágranna sína í Inter Milan.
Cagliari 0 – 2 AC Milan
0-1 Zlatan Ibrahimovic (‘7, víti)
0-2 Zlatan Ibrahimovic (’52)
Rautt spjald: Alexis Saelemaeker, AC Milan (’74)