Cristiano Ronaldo er í algjörum sérflokki þegar kemur að launum knattspyrnumanna á Ítalíu. Hann þénar 28 milljónir punda á ári frá ítalska félaginu.
Laun Ronaldo eru í slíkum sérflokki að fjögur félög í Seriu A borga öllum leikmönnum sínum sömu upphæð eða lægri.
Ronaldo þénar tæpa 5 milljarða frá Juventus á ári, sléttar 95 milljónir króna í hverri einustu viku.
Næst launahæsti leikmaður deildarinnar samkvæmt Gazzetta dello Sport er Matthijs de Ligt, samherji Ronaldo í Juventus. Hann þénar 24 milljónir á viku.
Udinese, Hellas Verona, Crotone og Spezia Calcio borga öllum sínum leikmönnum sömu upphæð og Ronaldo þénar eða minna yfir árið.
Listi yfir launahæstu leikmenn deildarinnar er hér að neðan.
Launahæstu leikmenn Seriu A á ári:
10. Zlatan Ibrahimovic (AC Milan): £6.3m
9. Alexis Sanchez (Inter Milan): £6.3m
8. Aaron Ramsey (Juventus): £6.3m
7. Adrien Rabiot (Juventus): £6.3m
6. Paulo Dybala (Juventus): £6.6m
5. Edin Dzeko (Roma): £6.8m
4. Christian Eriksen (Inter Milan): £6.8m
3. Romelu Lukaku (Inter Milan): £6.8m
2. Matthijs de Ligt (Juventus): £7.2m
1. Cristiano Ronaldo (Juventus): £28m