Dele Alli miðjumaður Tottenham virðist vera kominn með upp í kok af því að halda varamannabekknum heitum á þessu tímabil. Hann birti mynd til að undirstrika pirring sinn í gærkvöldi.
Tottenham og Fulham mættust í ensku úrvalsdeildinni í gær. Leikurinn endaði með 1-1 jafntefli. Leikið var á Tottenham Hotspur Stadium. Harry Kane, kom Tottenham yfir með marki á 25. mínútu eftir stoðsendingu frá Sergio Reguilón.
Þannig stóðu leikar allt þar til á 74. mínútu þegar að Ivan Cavaleiro, jafnaði leikinn fyrir Fulham með marki eftir stoðsendingu frá Ademola Lookman. Fleiri mörk voru ekki skoruð í leiknum.
Alli kom ekkert við sögu í leiknum en hann hefur mátt þola mikla bekkjarsetu á þessu tímabili, oftar en ekki hefur hann ekki einu sinni þótt nógu góður til að verma bekkinn. Alli birti mynd af sér fúlum á svip eftir tapið en hann er með 7,2 milljónir fylgjenda á Instagram.
Möguleiki er á að Alli fari frá Tottenham nú í janúar en hann vill ólmur komast inn á knattspyrnuvöllinn. Myndina sem hann birti má sjá hér að neðan.
Enski boltinn á 433 er í boði 
