Jordan Henderson, fyrirliði Liverpool gæti verið á förum frá félaginu ef marka má fréttir síðustu daga. Henderson hefur fundað með félaginu um nýjan samning síðan í lok síðasta tímabils en þær viðræður hafa ekki gengið vel. Samningur hans við Liverpool rennur út árið 2023.
Henderson kom til Liverpool frá Sunderland árið 2011 og hefur verið lykilmaður hjá félaginu og fyrirliði síðustu ár.
Nú er talið að Arsenal sé líklegasti áfangastaður Henderson samkvæmt ýmsum veðbönkum. Áður var talið að Atletico Madrid og PSG væru líklegustu áfangastaðir kappans.
Það verður þó að teljast ansi ólíklegt að Liverpool leyfi fyrirliðanum að fara til keppinauta í deildinni.