Leikmenn Tottenham eru verulega ósáttir með Jose Mourinho stjóra félagsins eftir jafntefli gegn Newcastle um helgina. Hann kenndi leikmönnum um og laug svo til um fjarveru Toby Alderweireld.
Newcastle jafnaði leikinn í uppbótartíma en pirringur hefur verið í herbúðum félagsins með stjórnunarhætti Mourinho. Hann hefur farið í stríð við nokkra leikmenn og Alderweireld er einn þeirra.
„Sami stjórinn en aðrir leikmenn,“ sagði Mourinho þegar hann var spurður að því af hverju lið hans hefði ekki haldið út, það væri eitt af hans einnkennismerkjum em stjóri. Tottenham hefur reglulega á þessu tímabili tapað stigum undir lok leikja.
Alderweireld og Serge Aurier voru ekki í leikmannahópi Tottenham en Mourinho laug til um fjarveru þeirra. „Þeir voru heilir heilsu en mættu bara til æfinga í gær (Laugardag),“ sagði Mourinho.
Þetta er lygi enda hafði Tottenham birti mynd af Alderweireld á æfingu á fimmtudag. „Þeir fóru í landsleiki og komu ekki til baka á tíma til að fara í COVID próf á fimmtudag. Þeir voru ekki á æfingu á fimmtudag og föstudag, þeir æfðu bara í gær.“
