Böðvar Böðvarsson hefur skrifað undir eins árs samning við Helsingborg sem leikur í næst efstu deild í Svíþjóð. Hann rifti samningi sínum við Jagiellonia Białystok í Póllandi á dögunum.

Böðvar gekk í raðir pólska félagsins árið 2018. Böddi Löpp eins og kappinn er iðulega kallaður lék með FH á Íslandi áður en hann hélt út.

Böðvar hafði ekki spilað með Jagiellonia Białystok á þessu ári. „Ég er þakklátur fyrir árin þrjú hér og allt það góða fólk sem ég hef kynnst. Ég óska öllum hjá félaginu og borginni alls hins besta,“ skrifaði Böðvar á Instagram þegar hann fór frá

Böðvar er 25 ára gamall en hann var einn besti bakvörður íslenska boltans áður en hann hélt út. Helsingborg er einn stærsti klúbburinn í Svíþjóð en félagið hefur verið í krísu síðustu ár.