Arsenal goðsögnin, Thierry Henry, dreymur um að taka við starfi knattspyrnustjóra hjá sínu gamla félagi. Henry er markahæsti leikmaðurinn í sögu Arsenal en hann spilaði með félaginu á árunum 1999-2007 og árið 2012.

Arfleið Henry hjá Arsenal er mikil og til marks um það hefur verið reist stytta af honum fyrir utan heimavöll Arsenal.

„Ef þú spyrðir stuðningsmann Arsenal að því hvort hann væri til í að verða knattspyrnustjóri félagsins einn daginn, þá myndi sá stuðningsmaður segja já,“ sagði Thierry Henry í viðtali við FourFourTwo.

Það er ljóst að Henry ber miklar tilfinningar til Arsenal.

„Arsenal er í blóði mínu, félagið er hluti af mér og mun alltaf vera það. Helmingurinn af mínu hjarta liggur hjá Arsenal og hinn helmingurinn hjá fjölskyldunni minni,“ sagði Thierry Henry.

Henry átti mikilli velgengni að fagna sem leikmaður en það sama er ekki hægt að segja um knattspyrnustjóra feril hans hingað til.

Hans fyrsta knattspyrnustjórastarf var hjá franska liðinu Monaco þar sem Henry entist aðeins í nokkra mánuði. Hann tók síðan við Montréal í MLS deildinni árið 2019 og sagði skilið við liðið í seinasta mánuði.

Henry er raunsær og segir að hann sé langt frá því að teljast sem mögulegur kandídat í starf knattspyrnustjóra hjá Arsenal.

„Ég er að ganga í gegnum lærdómsríkt tímabil. Ég vil gera vel hjá því félagi sem ég starfa hjá. Ef maður nær ekki árangri og nýtur velgengni þá mun maður ekki fá slík tækifæri (að starfa sem knattspyrnustjóri Arsenal,“ sagði Thierry Henry, fyrrum leikmaður Arsenal.