Jose Agostinho Becker faðir Alisson Becker markvarðar Liverpool fannst látinn nærri heimili sínu í gær. Talið er að Jose hafi drukknað í á sem rennur við heimilið.
Fjölskyldan á sveitasetur í suður Brasilíu, húsið er staðsett í Lavras do Sul þar sem Jose ætlaði að fara og synda í gær.
Þegar Jose skilaði sér ekki aftur í húsið hófst leit að honum, vinur hans og starfsmaður á sveitasetrinu fann hann svo í ánni.
Lögreglan mætti á svæðið og úrskurðaði að hinn 57 ára gamla Jose væri látinn. Málið er rannsakað sem slys.
Jose var markvörður líkt og synirnir, Alisson sem er 28 ára hefur reynst Liverpool frábærlega og Muriel sem er 34 ára leikur með Fluminense í heimalandinu.
Óvíst er hvort Alisson geti yfirgefið herbúðir Liverpool og haldið heim til Brasilíu vegna COVID-19 faraldursins. Jurgen Klopp stjóri Liverpool missti móðir sína á dögunum en gat ekki ferðar til Þýskalands til að vera viðstaddur jarðarför hennar.