David Alaba, varnarmaður Bayern Munchen mun yfirgefa félagið í sumar þegar samningur hans rennur út. Ekki náðist samkomulag milli leikmannsins og Bayern Munchen um áframhaldandi samstarf.
Alaba hefur verið í herbúðum Bayern síðan árið 2008 og hefur átt í viðræðum um félagið seinustu mánuði.
Hann hefur alls spilað 415 leiki fyrir Þýskalandsmeistarana og hjálpaði liðinu meðal annars að vinna Meistaradeild Evrópu árið 2013 og 2020.
Real Madrid þykir líklegasti áfangastaður leikmannsins en einnig eru lið á borð við Liverpool og Manchester City á eftir honum.
