Guðjón Þórðarson stýrði Víkingi Ólafsvík ekki um helgina gegn Leikni Fáskrúðsfirði í Lengjudeildinni þar sem liðið vann góðan sigur. Það vakti athygli margra enda Guðjón sett svip sinn á deildina í sumar.

Guðjón gat ekki farið í ferðalagið með Ólafsvík sökum þess að hann þurfti að leggjast inn á sjúkrahús. Ekki kemur fram í Dr. Football hvað amar að Guðjóni.

„Það vakti athygli manna að Guðjón Þórðarson var ekki á bekknum, klaufalegt af Ólsurum að setja ekki eitthvað út um það. Hann var á spítala á Akranesi hann Gaui. Við sendum honum bestu kveðjur,“ sagði Hjörvar Hafliðason í Dr. Football í dag.

Guðjón Þórðarson tók við Víkingi í upphafi móts eftir að Ólafsvík rak Jón Páll Pálmason var rekinn úr starfi. „Gaui Þórðar er ekki búinn að ná slæmum árangri með Ólafsvík,“ sagði Mikael Nikulásson.

Guðjón er í sínu fyrsta starfi á Íslandi frá árinu 2012 þegar honum var sagt upp hjá Grindavík en hann þjálfaði í Færeyjum á síðasta ári.