Manchester City vann sterkan 1-3 sigur á Wolves í Ensku Úrvalsdeildinni í kvöld. Leikið var á Molineux, heimavelli Wolves.
Kevin De Bruyne skoraði fyrsta mark City úr vítaspyrnu á 20. mínútu. Það var síðan Phil Foden sem tvöfaldaði forystu Manchester City á 32. mínútu.
Raúl Jimenez minnkaði muninn fyrir Úlfana á 78. mínútu. Það var hins vegar Manchester City sem átti lokaorðið í leiknum. Gabriel Jesus skoraði þriðja mark þeirra á 95. mínútu.
Sigur í fyrsta leik Manchester City á tímabilinu því staðreynd. Þeir mæta Aston Villa á heimavelli í næstu umferð. Wolves eiga útileik við West ham United.
Wolves 1-3 Manchester City
0-1 Kevin De Bruyne (’20, víti)
0-2 Phil Foden (’32)
1-2 Raúl Jimenez (’78)
1-3 Gabriel Jesus (’95)
