Atli Sigurjónsson kom KR-mönnum yfir eftir aðeins 4. mínútur. Skömmu áður en flautað var til hálfleiks náði Atli að skora annað mark fyrir KR og var staðan 2-0 fyrir KR í hálfleik.
Snemma í seinni hálfleik náði Stefán Teitur Þórðarson að minnka muninn fyrir Skagamenn en það dugði þó ekki til. Pablo Oshan Punyed Dubon skoraði þriðja mark KR-inga á 68. mínútu og síðan skoraði hann líka fjórða mark liðsins á lokamínútunum.
Lokaniðurstaðan því 4-1 sigur KR sem flýgur upp í annað sæti deildarinnar, þremur stigum á eftir Val sem situr á toppnum.