Markalaust var í fyrri hálfleik en á 68. mínútu náði Hilmar Árni Halldórsson að brjóta ísinn og kom Stjörnunni yfir. Staðan var 0-1 fyrir Stjörnunni allt fram á lokamínúturnar. Á 90. mínútu náði Steven Lennon að jafna fyrir FH en því miður fyrir FH-inga þá dugði það ekki til. Halldór Orri Björnsson tók málin í sínar hendur og skoraði í uppbótartíma og kom Stjörnunni aftur yfir.
FH-ingar gátu ekki komið til baka þar sem leikurinn var flautaður af nánast beint eftir markið. Lokaniðurstaðan því 1-2 fyrir Stjörnunni en þetta var fyrsti tapleikur FH síðan Eiður Smári Guðjohnsen og Logi Ólafsson tóku við liðinu í sumar.