Maurizio Sarri, stjóri Juventus, neitar því að hann rífist reglulega við leikmenn Juventus á bakvið tjöldin.
Ítalskir miðlar tala um að Sarri sé oft reiður á æfingasvæðinu og að nokkur rifrildi hafi átt sér stað.
Það er ekki rétt að sögn Sarri en hann rífst aðeins við Gonzalo Higuain í liðinu.
,,Ég er alltaf að lesa um það að ég sé að rífast við alla, sá eini sem ég rífst við er Higuain,“ sagði Sarri.
,,Ég veit ekki af hverju það er en það hefur verið þannig. Kannski því stundum þarftu að vera aggressívur við hann til að ná því besta úr honum.“
,,Andlega er hann í lagi en ég veit ekki í hvernig líkamlegu standi hann er því hann hefur verið að spila af og til.“