Tony Cascarino, fyrrum landsliðsmaður Írlands, myndi velja Danny Ings í liðið sitt frekar en Pierre Emerick Aubameyang.
Ings hefur verið frábær fyrir Southampton á tímabilinu eftir að hafa komið til félagsins frá Liverpool.
Aubameyang hefur ekki skrifað undir nýjan samning við Arsenal og telur Cascarino að Ings myndi henta Arsenal betur.
,,Þegar þú horfir á tölfræði Aubameyang þá er hún stórkostleg,“ sagði Cascarino við TalkSport.
,,En þegar þú berð hann saman við leikmenn eins og Roberto Firmino, hann er ekki með jafn mörg mörk og Fernando Torres eða Luis Suarez.“
,,Hann gerir mun meira fyrir liðið og Danny Ings er eins. Hann hefur gert það allt tímabilið.“
,,Gleymum því ekki að meiðsli hafa hrjáð Ings en hann er kominn til baka og lítur svo vel út, hann leiðir framlínuna frábærlega.“
,,Hann er tryggur liðinu, hann er með viljann sem hvetur aðra leikmenn áfram og gerir þá betri.“
,,Það er eitt helsta vandamál Arsenal, með leikmenn eins og Aubameyang eða Mesut Özil. Ef ég fengi að velja þá tæki ég Ings frekar en Aubameyang.“