Chelsea er byrjað að ræða við Brasilíumanninn Willian um að framlengja samning leikmannsins.
Frá þessu er greint í dag en Willian varð samningslaus í lok júní og má ræða við önnur félög.
Hann samþykkti að klára tímabilið með Chelsea en eins og flestir vita var gert dágott hlé vegna COVID-19.
Willian er 31 árs gamall en hann er einnig með samningstilboð á borðinu frá liði í Kína.
Chelsea er opið fyrir því að bjóða Willian tveggja ára samning og er talið að hann taki því.