Kantmaðurinn Adama Traoré, sem leikur með Wolves í ensku deildinni, er gríðarlega hraður leikmaður. Andstæðingar hans hafa átt það til að grípa í hann til að passa að hann komist ekki framhjá þeim. Þetta hefur orðið til þess að öxlin hans hefur dottið nokkrum sinnum úr lið en nú hafa úlfarnir komið með lausn á vandamálinu. The Sun greinir frá þessu.
Í leik Wolves gegn Crystal Palace mátti sjá sjúkraliða smyrja einhverju á axlirnar á Traoré. „Þetta er eitthvað sem við urðum að gera til að vernda Traoré,“ segir heimildarmaður innan Wolves en það sem var verið að bera á hann var barnaolía. „Það að gera hann sleipari gerir varnarmönnum erfiðara fyrir að grípa í hann og þannig getum við komið í veg fyrir frekari meiðsli.“
Öxlin hans Traoré datt fyrst úr lið þegar Wolves spilaði gegn Tottenham í desember. Síðan þá hefur öxlin dottið úr lið fjórum sinnum, nú síðast gegn Sheffield United fyrr í þessum mánuði.
