Antonio Conte, stjóri Inter Milan, er meira en tilbúinn að hætta með liðið ef stjórn félagsins er ekki ánægð með hans störf.
Conte tók við Inter fyrir tímabilið en liðið situr í þriðja sæti deildarinnar, átta stigum á eftir toppliði Juventus.
,,Ég var fenginn til Inter í þriggja ára verkefni, og á að koma þeim þangað sem þeir eiga skilið að vera,“ sagði Conte.
,,Það tekur auðvitað tíma. Ég kom hingað með svo mikinn metnað og ég hef trú á þessu verkefni.“
,,Ef allir eru ánægðir með það sem ég er að gera og ég held að það sé staðan, þá sé ég ekki af hverju við getum ekki haldið áfram.“
,,Ef þeir eru ekki ánægðir með þau störf sem ég er að vinna þá hika ég ekki við að stíga til hliðar.“