Rafael van der Vaart, fyrrum leikmaður Tottenham, er enginn aðdáandi varnarmannsins Harry Maguire.
Maguire var keyptur til Manchester United frá Leicester í fyrra en hann kostaði um 80 milljónir punda.
Hollendingurinn er þó ekki seldur og telur að Maguire sjálfur viti að hann sé ekki nógu góður fyrir United.
,,Ég held að Maguire fari heim til sín á hverjum degi og segi við eiginkonuna: ‘Ég er svo lélegur í fótbolta en ég þéna svo mikið. Þeir trúa því í alvöru að ég sé svona góður.’
,,Ég held að það sé í alvöru staðan, hann er að hlæja að öllum.“